Qazaqstannyń Halyqqa qyzmet etý ortalyqtary tehnıkalyq sebeptermen jumys istegen joq

NUR-SULTAN. QazAqparat – «Azamattarǵa arnalǵan úkimet» Memlekettik korporatsııasy» KEAQ Halyqqa qyzmet kórsetý operatorlary arqyly memlekettik qyzmet alý kezinde tehnıkalyq jańylys bolǵany týraly habarlady, dep jazady QazAqparat Memlekettik korporatsııanyń baspasóz qyzmetine silteme jasap.

«Tehnıkalyq jańylystarǵa baılanysty memlekettik qyzmet túrlerin HQKO operatorlary arqyly alý áli de qoljetimsiz ekenin habarlaýǵa májbúrmiz. «Ulttyq aqparattyq tehnologııalar» AQ men Memlekettik korporatsııa mamandary bul problemany sheshý ústinde. Azamattardan qalyptasqan jaǵdaıǵa baılanysty túsinistik bildirýin suraımyz», - dep aqparattandyrdy «Azamattarǵa arnalǵan úkimet» Memlekettik korporatsııasynyń baspasóz qyzmetinen.

Eske sala ketsek, barlyq qyzmet túrleri Elektrondy úkimet portalynda onlaın-rejımde, Egovkzbot 2.0 Telegram-boty jáne Egov mobile mobıldi qosymshasy arqyly qoljetimdi. Qajettilik týyndaǵan jaǵdaıda azamattar sondaı-aq keńes alý úshin ózine-ózi qyzmet kórsetý sektorlaryndaǵy korporatsııa qyzmetkerleriniń kómegine júgine alady.

Buǵan deıin qazaqstandyqtardyń HQKO qyzmetin vıdeo tildesý arqyly ala alatyny habarlanǵan.