Qazaqstannyń halyqaralyq saıasatqa yqpaly jyldan-jylǵa artyp keledi - «Bild» parlamenttik bıýrosy
HANChJOÝ. QazAqparat - Halyqaralyq arenadaǵy Qazaqstannyń yqpaly jáne onyń Eýropa úshin mańyzy jyldan-jylǵa artyp keledi. «Bild» iri nemis ıllıýstratsııalyq basylymynyń parlamenttik bıýro basshysy Ralf Shýler «QazAqparat» tilshisine bergen suhbatynda osyndaı pikir bildirdi.
«Meniń oıymsha, Qazaqstannyń halyqaralyq saıasatqa yqpaly jyldan-jylǵa artyp keledi. N.Nazarbaevtyń G20 sammıtine qatysýynyń ózi meniń sózime dálel. Sonymen birge, ol sammıtke qatysyp qana qoıǵan joq, jahandyq ekonomıkalyq jaǵdaı týraly keleli másele kóterdi», - dedi ol.
Nemis jýrnalısiniń aıtýynsha, Qazaqstan, sonymen birge tutas Ortalyq Azııa Eýropa úshin, onyń ishinde Germanııa úshin jyldan-jylǵa mańyzdy bolyp kele jatyr.
R. Shýler Germanııanyń federaldy kantsleri Angela Merkel men Nursultan Nazarbaevtyń G20 sammıti alańynda áńgimeleskenin atap ótti.
Eske salsaq, 1 qyrkúıekte N. Nazarbaev QHR Tóraǵasy Sı Tszınpınniń shaqyrýymen G20 sammıtine qatysý úshin Qytaıǵa keldi. Birinshi sessııada Memleket basshysy jahandyq ekonomıka máselelerin sheshý joldary týraly óz boljamdaryn aıtty.
