Qazaqstannyń halyqaralyq rezervteri jyl basynan beri 2,9%-ke qysqardy
ASTANA. QazAqparat - 88,081 mlrd AQSh dollaryn quraǵan Qazaqstannyń halyqaralyq rezervteri 2017 jylǵy qazanda qyrkúıekpen salystyrǵanda 1,33%-ke azaıyp, jyl basynan beri 2,94%-ke qysqardy, dep habarlaıdy «QazAqparat» HAA tilshisi.
QR Ulttyq bankiniń málimetterine sáıkes, Qazaqstannyń jalpy halyqaralyq rezervteriniń kólemi qazan aıynda 31,844 mlrd dollardy qurap, 1,13%-ke azaıǵan (qańtar-qazanda 7,84%-ke artqan), sonyń ishinde taza syrtqy halyqaralyq rezervter kólemi 1,15%-ke (+8,04%) nemese 31,328 mlrd dollarǵa qysqarǵan.
QR Ulttyq qory aktıvteriniń kólemi 56,237 mlrd dollardy qurap, 1,45%-ke (-8,14%) qysqardy. Erkin konvertatsııalanatyn valıýtadaǵy aktıvter kólemi 19,882 mlrd dollardy qurady. Bul sońǵy aıda 1,76%-ke (jyl basynan beri 0,16%-ke) azaıdy degen sóz. Altyn aktıvteriniń kólemi 0,07%-ke (+24,39%) nemese 11,962 mlrd dollarǵa qysqardy.
