Qazaqstannyń halyqaralyq rezervteri jyl basynan beri 1,5%-ǵa qysqardy

ASTANA. QazAqparat - 2017 jylǵy qyrkúıekte Qazaqstannyń halyqaralyq rezervteri shilde aıymen salystyrǵanda 1,34%-ǵa, jyl basynan beri 1,53%-ǵa azaıyp, 89,363 mlrd AQSh dollaryn qurady, dep habarlaıdy «QazAqparat» HAA tilshisi.

Qazaqstan Respýblıkasy Ulttyq bankiniń málimetterine qaraǵanda, Qazaqstannyń jalpy halyqaralyq rezervteri qyrkúıekte 0,29%-ǵa azaıyp (qańtar-qyrkúıekte 10,22%-ǵa kóbeıgen), 32,548 mlrd dollardy quraǵan. Sonyń ishinde taza halyqaralyq rezervter kólemi  0,26%-ǵa (+10,47%), 32,034 mlrd dollarǵa deıin qysqarǵan. Qazaqstan Respýblıkasy Ulttyq qorynyń aktıvter kólemi 1,94%-ǵa (-7,19%) qysqaryp, 56,815 mlrd dollardy quraǵan.

Sońǵy aıda 0,36%-ǵa tómendegen (jyl basynan bergi ósimi - 3,34%) erkin konvertatsııalanatyn valıýtadaǵy aktıvter kólemi 20,577 mlrd dollardy qurady. Altyn aktıvter kólemi 0,18%-ǵa (+24,48%), 11,971 mlrd dollarǵa deıin qysqardy.