Qazaqstannyń halyqaralyq rezervteri jyl basynan beri 1,4% ósti
ASTANA. QazAqparat - Qazaqstannyń halyqaralyq rezervteriniń kólemi 2018 jylǵy mamyr aıynda sáýirmen salystyrǵanda 0,16%, 2017 jylǵy jeltoqsanmen salystyrǵanda 1,43% ósip, 90,356 mlrd AQSh dollaryn qurady, dep habarlaıdy QazAqparat tilshisi.
QR Ulttyq bankiniń bergen málimetterine qaraǵanda, Qazaqstannyń jalpy halyqaralyq rezervteriniń kólemi mamyr aıynda 0,54% azaıyp (jyl basynan beri 1,39% ósken), 31,172 mlrd dollardy quraǵan, sonyń ishinde taza halyqaralyq rezervterdiń kólemi 0,52% qysqaryp (+1,45%), 30,67 mlrd dollar bolǵan.
QR Ulttyq qory aktıvteriniń kólemi 0,52% (+1,46%) ósip, 59,184 mlrd dollardy qurady. Erkin konvertatsııalanatyn valıýtadaǵy aktıvterdiń kólemi 17,814 mlrd dollardy qurady, bul kórsetkish ótken aıda 1,16% (al ótken jyldyń jeltoqsanynan beri 2,37%) tómendegen. Altyndaǵy valıýtalardyń kólemi 0,31% (+6,88%) artyp, 13,357 mlrd dollarǵa jetken.
