Qazaqstannyń halyqaralyq rezervteri jyl basynan 4,6 paıyzǵa ósti
Bul týraly búgin QR Parlamenti Májilisinde ótken Úkimet saǵatynda QR Ulttyq ekonomıka mınıstri Qýandyq Bıshimbaev málim etti.
Sondaı-aq mınıstrdiń aıtýynsha, Ulttyq qordyń aktıvteri 64,9 mlrd. AQSh dollaryna jetti. Aǵymdaǵy jyldyń 1 qyrkúıegindegi jaǵdaı boıynsha ósim 2,1%-dy qurady.
Mamyrdan bastap ekonomıkany kredıtteý qaıta jandandyrylýda. 1 tamyzdaǵy jaǵdaı boıynsha kredıtter 0,5%-ǵa - 12,7 trln. teńgege deıin ósti. Jańadan berilgen kredıtter kólemi 2016 jylǵy jeti aıdyń ishinde 5,4 trln. teńgege jetti, ósim - 7,8%.
Q. Bıshimbaevtiń aıtýynsha, onymen bir mezgilde, eldiń syrtqy saýda aınalymy qańtar-shilde ishinde 29,6%-ǵa, ıaǵnı 33,1 mlrd. AQSh dollaryna deıin qysqardy. Eksport 20,0 mlrd. AQSh dollaryn (tómendeý 30,0%-ǵa), ımport 13,1 mlrd. AQSh dollaryn qurady (tómendeý 28,8%-ǵa).
"Inflıatsııalyq protsesterdiń báseńdegeni baıqalýda. Aǵymdaǵy jylǵy shildede jyldyq ınflıatsııa 17,7%-ǵa deıin jetip, birte-birte tómendeı bastady. Tamyzda aılyq ınflıatsııa 0,2%-ǵa deıin báseńdedi, jyl basynan 5,4%-dy qurady. Inflıatsııaǵa negizgi salymdy azyq-túlik emes taýarlardyń 6,1%-ǵa qymbattaýy alyp keldi", - deıdi mınıstr.
