Qazaqstannyń halyqaralyq rezervteri jeltoqsan aıynda 95,2 mlrd. dollarǵa jetti - QR Ulttyq Banki
ASTANA. 9 qańtar. QazAqparat - Ótken jyldyń jeltoqsan aıynda Qazaqstannyń halyqaralyq rezervteri Ulttyq qor qarajatyn qosa alǵanda 1,46 paıyzǵa artyp, 95,2 mlrd. dollarǵa jetti. Bul týraly QR Ulttyq bankiniń resmı saıtynda jarııalanǵan.
Ulttyq bank málimetine qaraǵanda, jalpy ótken jyly Qazaqstannyń halyqaralyq rezervteri 10,7 paıyzǵa artqan. Al jeltoqsan aıyndaǵy taza halyqaralyq rezervter - 2,47 paıyzǵa artyp, 24,134 mlrd. dollarǵa jetken.
Bunymen qosa, QR Ulttyq qorynyń aktıvteri 70,544 mlrd. dollardy qurap, onyń bir aıdaǵy ósimi 1,13 paıyzǵa artqan. Sonymen qatar, EAV aktıvteri 19,127 mlrd. dollarǵa jetip, bir aı ishinde 3,74 paıyzǵa ósse, altyn túrindegi aktıvter 1,88 paıyzǵa tómendep, 5,551 mlrd. dollar bolyp otyr.
