Qazaqstannyń halyqaralyq rezervteri 97,8 mlrd. AQSh dollaryn qurady - QR Ulttyq banki
ALMATY. QazAqparat - Eldiń halyqaralyq rezervteri jalpy alǵanda Ulttyq qordyń shetel valıýtasyndaǵy aktıvterin (69,0 mlrd. AQSh dollary) qosa alǵanda, 97,8 mlrd. AQSh dollaryn qurady.
Bul týraly QR Ulttyq bankiniń baspasóz qyzmeti habarlady.
«2015 jylǵy mamyrdyń aıaǵynda Ulttyq Banktiń jalpy halyqaralyq rezervteri 28,7 mlrd. AQSh dollaryn qurady. Ulttyq Banktiń taza halyqaralyq rezervteri 28,0 mlrd. AQSh dollaryn qurady. Eldiń halyqaralyq rezervteri Ulttyq qordyń shetel valıýtasyndaǵy aktıvterin (69,0 mlrd. AQSh dollary) qosa alǵanda, 97,8 mlrd. AQSh dollaryn qurady. 2015 jylǵy mamyrda aqsha bazasy 6,6%-ǵa keńeıip, 3644,8 mlrd. teńge boldy (jyl basynan beri 6,8%-ǵa keńeıdi). Tar aqsha bazasy, ıaǵnı ekinshi deńgeıdegi bankterdiń Ulttyq Banktegi merzimdi depozıtterin eseptemegendegi aqsha bazasy 7,6%-ǵa keńeıip, 3490,2 mlrd. teńgeni qurady», - delingen habarlamada.
Ulttyq bankten habarlaǵandaı, 2015 jylǵy sáýirde aqsha massasy 12266,8 mlrd. teńgeni, aınalystaǵy qolma-qol aqsha 1018,4 mlrd. teńgeni qurady, bank júıesindegi depozıtter 11248,3 mlrd. teńgeni qurady. Aqsha massasynyń qurylymyndaǵy depozıtterdiń úlesi 2014 jylǵy jeltoqsandaǵy 91,2%-dan 2015 jylǵy sáýirde 91,7%-ǵa deıin ósti. Bul aınalystaǵy qolma-qol aqshanyń qysqarýynan bolyp otyr. 2015 jylǵy sáýirdiń sońynda aqsha mýltıplıkatory 3,59 boldy.
