Qazaqstannyń halyqaralyq rezervteri $92,2 mlrd qurady - Ulttyq bank
ASTANA. QazAqparat - 2017 jyldyń maýsym aıyndaǵy derekter boıynsha, elimizdiń halyqaralyq rezervteri jalpy alǵanda 92,2 mlrd dollardy qurady, dep habarlaıdy QazAqparat qarjylyq retteýshiniń baspasóz qyzmetine silteme jasap.
2017 jyldyń maýsymynda Ulttyq banktiń jalpy halyqaralyq rezervteriniń kólemi 30,0 mlrd dollar boldy. Sonymen qatar sheteldik valıýtadaǵy aktıvter 18,9 mlrd dollardy, altyn aktıvteri 11,2 dollarǵa jetti.
2017 jyldyń shilde aıynda Ulttyq bankiń aktıvterin qosa alǵanda elimizdiń halyqaralyq rezervteriniń kólemi 92,2 mlrd dollar boldy. 2017 jyldyń maýsymynda qarjy bazasy 6,5 protsentke syǵymdalyp, 5 173,9 mlrd. teńgeni qurady.
Ulttyq banktiń ekinshi deńgeıli bankterdiń shuǵyl depozıtterin esepke almaǵandaǵy qarjy bazasy 2,3 protsentke syǵymdalyp, 4 862,3 mlrd. teńgeni qurady. 2017 jyldyń maýsymynda qarjy massasy 1,2% ulǵaıyp, 19 690,7 mlrd. teńgege jetti. Aınalymdaǵy qolma-qol qarjy 5,1%-ke artyp, 1 830,7 mlrd. teńgeni qurady.
