Qazaqstannyń halyqaralyq rezervteri 88,2 mlrd. AQSh dollaryn qurady

ASTANA. QazAqparat - Qazaqstannyń halyqaralyq rezervteri 88,2 mlrd. AQSh dollaryn qurady, dep habarlaıdy QR Ulttyq ekonomıka mınıstrligi.

Mınıstrlik taratqan málimetterge qaraǵanda, ınvestıtsııalar qarqynynyń ósimi 4,2% qurady. 2019 jyldyń eki aıynyń qorytyndysy boıynsha ınvestıtsııalar dınamıkasynda oń qarqyn baıqalyp otyr. Aıtalyq, ótken aıda tómendeý baıqalsa, onda eseptik kezeńde olardyń ósimi 4,2%-dy qurady.

Sonymen qatar, bıylǵy jylǵy 1 naýryzdaǵy jaǵdaı boıynsha eldiń halyqaralyq rezervteri 88,2 mlrd. AQSh dollaryn qurady. Onyń ishinde altyn-valıýta rezervteri - 29,2 mlrd. AQSh doll. jáne Ulttyq qor aktıvteri - 59 mlrd. AQSh doll boldy.