Qazaqstannyń halyqaralyq rezervteri $87,8 mlrd dollar boldy
ASTANA. QazAqparat - 2018 jylǵy qarashada Qazaqstannyń halyqaralyq rezervteri qazan aıymen salystyrǵanda 3,69%, 2017 jylǵy jeltoqsanǵa qaraǵanda 1,45% azaıyp, 87,786 mlrd AQSh dollaryn qurady, dep habarlaıdy QazAqparat tilshisi.
QR Ulttyq bankiniń derekterine sáıkes, Qazaqstannyń jalpy halyqaralyq rezervteriniń kólemi qarasha aıynda 3,84% (jyl basynan beri - 1,91%) - 30,158 mlrd dollarǵa deıin, sonyń ishinde taza halyqaralyq rezervter kólemi 3,9% (-1,85%) 29,672 mlrd dollarǵa deıin azaıǵan.
QR Ulttyq qorynyń aktıvteri 3,61% (-1,21%) ósip, 57,628 mlrd dollarǵa jetti. Erkin konvertatsııalanatyn valıýtadaǵy aktıvter kólemi ótken aıda 5,84% (byltyrǵy jeltoqsannan beri - 9,01%) qysqaryp, 16,603 mlrd dollardy, al altyndaǵy aktıvter kólemi 1,48% (+8,45%) ósip, 13,555 mlrd dollardy qurady.
