Qazaqstannyń halyqaralyq rezervteri 87,3 mlrd dollardan asty
ASTANA. QazAqparat - 2018 jyldyń tamyzynda Qazaqstannyń halyqaralyq rezervteri shildemen salystyrǵanda 0,35 paıyz, 2017 jyldyń jeltoqsanyna qaraǵanda 1,98 azaıyp, 87,314 mlrd AQSh dollaryn qurady, dep habarlaıdy QazAqparat tilshisi.
QR Ulttyq bankiniń málimetterine qaraǵanda, Qazaqstannyń jalpy halyqaralyq rezervteriniń kólemi tamyz aıynda 0,2 paıyzǵa (2018 jyldyń basynan beri 0,11 paıyzǵa artqan), 30,779 mlrd dollarǵa azaıǵan. Sonyń ishinde taza halyqaralyq rezervter kólemi 0,21 paıyzǵa (+0,16 paıyz), 30,282 mlrd dollarǵa deıin azaıǵan.
QR Ulttyq qory aktıvteriniń kólemi 0,43 paıyzǵa artyp (-3,08 paıyz), 56,535 mlrd dollardy qurady. Erkin konvertatsııalanatyn valıýtadaǵy aktıvter kólemi 17,959 mlrd dollardy qurady. Ol ótken aıda 0,48 paıyzǵa (ótken jyldyń jeltoqsanynan beri - 1,58 paıyzǵa) qysqarǵan. Altynmen eseptelgen aktıvterdiń kólemi 0,19 paıyz (+2,58), 12,821 mlrd dollarǵa deıin artty.
