Qazaqstannyń halyqaralyq rezervteri 85,5 mlrd dollardan asty
ASTANA. QazAqparat - 2018 jylǵy qazanda Qazaqstannyń halyqaralyq rezervteri qyrkúıek aıymen salystyrǵanda 0,96%, 2017 jylǵy jeltoqsanǵa qaraǵanda 3,91% azaıyp, 85,591 mlrd AQSh dollaryn qurady, dep habarlaıdy QazAqparat tilshisi.
QR Ulttyq bankiniń derekterine sáıkes, Qazaqstannyń jalpy halyqaralyq rezervteriniń kólemi qazan aıynda 2,95% (jyl basynan beri - 5,38%) - 29,092 mlrd dollarǵa deıin, sonyń ishinde taza halyqaralyq rezervter kólemi 2,98% (-5,38%) 28,606 mlrd dollarǵa deıin azaıǵan.
QR Ulttyq qorynyń aktıvteri 0,09% (-3,15%) ósip, 56,499 mlrd dollarǵa jetti. Erkin konvertatsııalanatyn valıýtadaǵy aktıvter kólemi ótken aıda 8,66% (byltyrǵy jeltoqsannan beri - 13,77%) qysqaryp, 15,735 mlrd dollardy, al altyndaǵy aktıvter kólemi 4,75% (+6,87%) ósip, 13,357 mlrd dollardy qurady.
