Qazaqstannyń halyqaralyq rezervteri 7,3 paıyzǵa ósti - Ulttyq ekonomıka mınıstri
ASTANA. QazAqparat - Qazaqstannyń halyqaralyq rezervteri 7,3 paıyzǵa ósti. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka mınıstri Erbolat Dosaev málim etti.
«Eldiń halyqaralyq rezervteri 7,3 paıyzǵa ósip, 102,5 mlrd AQSh dollaryn qurady, onyń ishinde Ulttyq qor aktıvteri -73,6 mlrd AQSh dollary, Ulttyq banktiń altyn-valıýta rezervi - 28,9 mlrd AQSh dollary», - dedi ol.
Jalpy mınıstrdiń aıtýynsha, Úkimet 2014 jyly qabyldaǵan sharalar eldegi makroekonomıkalyq jáne qarjylyq turaqtylyqty saqtaýǵa múmkindik berdi.
