Qazaqstannyń halyqaralyq rezervteri 0,5% ósti - QR Ulttyq banki
ALMATY. QazAqparat - 2015 jylǵy maýsymnyń aıaǵynda Ulttyq banktiń jalpy halyqaralyq rezervteri 2015 jylǵy mamyrmen salystyrǵanda 0,5%-ǵa ulǵaıdy jáne 28,9 mlrd. AQSh dollary boldy. Al Ulttyq banktiń taza halyqaralyq rezervteri 2015 jylǵy mamyrmen salystyrǵanda 0,5%-ǵa ulǵaıdy jáne 28,1 mlrd. AQSh dollaryn qurady, dep habarlaıdy QR Ulttyq bankiniń baspasóz qyzmeti.
Eldiń halyqaralyq rezervteri, jalpy alǵanda Ulttyq qordyń shetel valıýtasyndaǵy aktıvterin (69,0 mlrd. AQSh dollary) qosa alǵanda, 2015 jylǵy mamyrmen salystyrǵanda 97,9 mlrd. AQSh dollaryna deıin, ıaǵnı 0,2%-ǵa ulǵaıdy. 2015 jylǵy maýsymda aqsha bazasy 15,0%-ǵa keńeıip, 4191,2 mlrd. teńge boldy (jyl basynan beri 22,8%-ǵa keńeıdi). Tar aqsha bazasy, ıaǵnı ekinshi deńgeıdegi bankterdiń Ulttyq banktegi merzimdi depozıtterin eseptemegendegi aqsha bazasy 3877,9 mlrd. teńgege deıin, 11,1%-ǵa keńeıdi. «2015 jylǵy mamyrda aqsha massasy 12533,8 mlrd. teńgege deıin - 2,2%-ǵa, aınalystaǵy qolma-qol aqsha - 1086,9 mlrd. teńgege deıin, 6,7%-ǵa, bank júıesindegi depozıtter - 11446,9 mlrd. teńgege deıin, ıaǵnı 1,8%-ǵa ulǵaıdy. Aqsha massasynyń qurylymyndaǵy depozıtterdiń úlesi 2014 jylǵy jeltoqsandaǵy 91,2%-dan, 2015 jylǵy mamyrda 91,3%-ǵa deıin ósti. Buǵan aınalystaǵy qolma-qol aqsha kóleminiń azaıýy sebep bolyp jatyr. Al 2015 jylǵy mamyrdyń sońynda aqsha mýltıplıkatory 3,44 boldy», delingen QR Ulttyq bankiniń taratqan málimetinde.
