Qazaqstannyń halyqaralyq rezervi ulǵaıdy

NUR-SULTAN. QazAqparat - QR Ulttyq bankiniń aldyn ala málimeti boıynsha, Qazaqstannyń halyqaralyq rezerviniń kólemi 2019 jyldyń maýsym aıynda 86,362 mlrd AQSh dollaryn quraǵan. Bul kórsetkish mamyr aıymen salystyrǵanda 0,39%-ke, 2018 jyldyń jeltoqsanymen salystyrǵanda 2,87%-ke azaıdy, dep habarlaıdy QazAqparat.

Qazaqstannyń jalpy halyqaralyq rezerviniń kólemi maýsym aıynda 0,48%-ke ósip (ótken jyldyń basynan beri 8,87% azaıǵan), 28,185 mlrd dollardy quraǵan, sonyń ishinde taza halyqaralyq rezerv 0,47%-ke ósip (-9,01%), 27,697 mlrd dollar bolǵan.

QR Ulttyq qory aktıvteriniń kólemi 0,81%-ke (+0,33%) azaıyp, 58,177 mlrd dollardy qurady. Erkin konvertatsııalanatyn valıýtadaǵy aktıvterdiń kólemi 11,131 mlrd dollardy qurady, bul kórsetkish ótken aıda 11,63%-ke (2018 jyldyń jeltoqsanynan - 32,68%-ke) tómendegen. Altyn valıýtalardyń kólemi 10,35%-ke (+18,5%) ósip, 17,054 mlrd dollardy qurady.