Qazaqstannyń halyqaralyq rezervi ulǵaıdy
ASTANA. QazAqparat - 2018 jyldyń aqpanynda Qazaqstannyń halyqaralyq rezervi ótken aımen salystyrǵanda 0,15 paıyzǵa, al jyl basynan beri 1,95 paıyzǵa artyp, 90,802 mlrd AQSh dollaryn qurady, dep habarlaıdy QazAqparat.
QR Ulttyq bankiniń málimetine qaraǵanda, aqpanda Qazaqstannyń jalpy halyqaralyq rezervteri kólemi 0,27 paıyzǵa ósip (qańtar-aqpanda 2,24%-ǵa), 31,434 mlrd dollarǵa deıin jetti. Onyń ishinde taza halyqaralyq rezervter 0,29 paıyzǵa (+2,26% ), 30,915 mlrd dollarǵa deıin ulǵaıdy.
Atap aıtqanda, QR Ulttyq qorynyń aktıvteri 59,368 mlrd dollardy qurap, 0,09 paıyzǵa ósti (+1,8%). Erkin konvertatsııalanatyn valıýtadaǵy aktıvter kólemi 18,404 mlrd dollardy qurap, ótken aıda 0,76 paıyz deńgeıindegi ósimdi baıqatty. Altyn aktıvter kólemi 0,41 paıyzǵa, 13,03 mlrd dollarǵa deıin qysqardy.
