Qazaqstannyń halyqaralyq rezervi shilde aıynda 85,8 mlrd dollardy qurady
NUR-SULTAN. QazAqparat - QR Ulttyq bankiniń aldyn ala málimeti boıynsha, Qazaqstannyń halyqaralyq rezerviniń kólemi 2019 jyldyń shilde aıynda 85,876 mlrd AQSh dollaryn quraǵan.
Bul kórsetkish maýsym aıymen salystyrǵanda 0,6%, 2018 jyldyń jeltoqsanymen salystyrǵanda 3,42%-ke az, dep habarlaıdy QazAqparat tilshisi.
Qazaqstannyń jalpy halyqaralyq rezerviniń kólemi shilde aıynda 1,84%-ke azaıyp (ótken jyldyń basynan beri 10,43% azaıǵan), 27,702 mlrd dollardy quraǵan, sonyń ishinde taza halyqaralyq rezervter kólemi 1,86% ósip (-10,58%), 27,219 mlrd dollar bolǵan.
QR Ulttyq qory aktıvteriniń kólemi 0,01%-ke (+0,32%) azaıyp, 58,174 mlrd dollardy qurady.
Erkin konvertatsııalanatyn valıýtadaǵy aktıvterdiń kólemi 10,226 mlrd dollardy qurady, bul kórsetkish ótken aıda 8,44%-ke (2018 jyldyń jeltoqsanynan - 38,16%-ke) tómendegen. Altyn aktıvterdiń kólemi 2,48%-ke (+21,44%) ósip, 17,476 mlrd dollardy qurady.
Avtor: Ashat Ahmetbekov
