Qazaqstannyń halyqaralyq rezervi 92 mlrd dollarǵa jýyqtady
«Altyn-valıýta rezervi osy jylǵy sáýirdiń aıaǵynda bir aıda 689 mln AQSh dollaryna ulǵaıyp, 34,2 mlrd AQSh dollaryn qurady. Baǵanyń bir ýntsııa úshin 1 685 AQSh dollarynan 1769 AQSh dollaryna deıin 5 paıyzǵa qalpyna kelýi aıasynda altyn portfeliniń 1,3 mlrd AQSh dollaryna ósýi erkin konvertatsııalanatyn valıýtadaǵy aktıvterdiń tómendeýin ótedi. Bıylǵy mamyrda altyn baǵasy ósýin jalǵastyra otyryp, 11 mamyrǵa bir ýntsııasyna 1 841 AQSh dollaryn qurady», - dedi ol.
Ulttyq bank tóraǵasynyń atap ótýinshe, erkin konvertatsııalanatyn valıýtadaǵy aktıvter bıylǵy jylǵy sáýirde 635 mln AQSh dollaryna, onyń ishinde klıentterdiń Ulttyq banktegi depozıtteri kóleminiń 472 mln AQSh dollaryna tómendeýi jáne 88 mln AQSh dollaryna memlekettik qaryzdy tóleýi esebinen kemidi.
«Osylaısha, jalpy halyqaralyq rezervter bıylǵy jylǵy sáýirde 1,2 mlrd AQSh dollaryna artyp, 91,8 mlrd AQSh dollaryn qurady», - dedi Erbolat Dosaev.