Qazaqstannyń halyqaralyq rezervi 90,7 mlrd. dollardy qurady
Baspasóz qyzmeti taratqan málimetterge qaraǵanda, 2017 jylǵy shildede Ulttyq banktiń jalpy halyqaralyq rezervteri 2,9 mlrd. AQSh dollaryna nemese 9,7%-ǵa ósip, 32,9 mlrd. AQSh dollaryn qurady.
Shetel valıýtasyndaǵy aktıvter 2,6 mlrd. AQSh dollarynan 21,5 mlrd. AQSh dollaryna deıin, altyndaǵy aktıvter baǵasy 1,9%-ke ósýi nátıjesinde 0,3 mlrd. AQSh dollarynan 11,4 mlrd. AQSh dollaryna deıin ulǵaıdy. 2017 jylǵy shildede Ulttyq qordyń aktıvteri 4,3 mlrd. AQSh dollarynan nemese 57,9 mlrd. AQSh dollaryna deıin 6,9%-ǵa tómendedi.
Ulttyq banktiń halyqaralyq rezervteri kóleminiń jáne Ulttyq qor aktıvteriniń ózgerýi kóp jaǵdaıda «Qazaqstannyń Halyq jınaq banki» AQ pen «Kazkommertsbank» AQ arasyndaǵy mámileni iske asyrý nátıjesinde boldy. Atap aıtqanda, Ulttyq qor aktıvteriniń tómendeýi kórsetilgen mámileni júzege asyrý úshin respýblıkalyq bıýdjetke nysanaly transfertti bólýge, al Ulttyq banktiń halyqaralyq rezervteriniń ulǵaıýy osy kólemniń shetel valıýtasynan teńgege tıisinshe aıyrbastalýyna (shetel valıýtasyn satyp alýǵa) baılanysty.
Budan basqa, Ulttyq qordyń aktıvterin ózgertý kepildik berilgen jáne nysanaly transfertterdi bólý úshin valıýta naryǵynda shetel valıýtasyn aıyrbastaýǵa negizdelgen.
Ulttyq ,anktiń halyqaralyq rezervteriniń serpinine sondaı-aq Úkimettiń Ulttyq banktegi shottaryna valıýtanyń túsýi, bankterdiń shetel valıýtasyndaǵy korrespondenttik shottaryndaǵy qaldyqtardyń ulǵaıýy, Ulttyq qordyń aktıvterin tolyqtyrý, Úkimettiń syrtqy boryshyna qyzmet kórsetý, sondaı-aq banktermen valıýtalyq-paıyzdyq svop operatsııalarynyń bóligin aıaqtaý boıynsha operatsııalar yqpal etti.
Tutastaı alǵanda, eldiń halyqaralyq rezervteri, Ulttyq qordyń shetel valıýtasyndaǵy aktıvterin qosa alǵanda, 90,7 mlrd. AQSh dollary boldy.
