Qazaqstannyń halyqaralyq rezervi 89,6 mlrd. dollarǵa jetti - E.Dosaev
ASTANA. 23 shilde. QazAqparat - Qazaqstannyń halyqaralyq rezervi jyl basynan beri 4,1 paıyzǵa ósip, 89,6 mıllıard dollarǵa jetti.
Bul týraly búgin Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti. «Onyń ishinde elimizdiń jalpy halyqaralyq rezervi 26,1 mıllıard dollardy qurap, jyl basynan beri 7,6 paıyzǵa tómendedi. Bul kórsetkish negizinen altynǵa álemdik baǵamnyń tómendeýine baılanysty bolyp otyr. Sondaı-aq, ulttyq qordyń sheteldik valıýtadaǵy aktıvi 63,5 mıllıard dollardy qurap, jyl basynan beri 9,8 paıyzǵa ósti »,- dedi ekonomıka mınıstri. Onyń aıtýynsha, mamyr aıyndaǵy kredıttik kórsetkish jyl basyndaǵymen salystyrǵanda, 4,5 paıyzǵa ósip, 10,3 trıllıon teńgeni quraǵan. «Uzaq merzimdi kredıtteýdiń 1,5 paıyzǵa artqany da baıqalady»,- dedi E.Dosaev.
