Qazaqstannyń halyqaralyq rezervi 88,67 mlrd dollardan asty
ASTANA. QazAqparat - 2018 jyldyń maýsymynda mamyr aıymen salystyrǵanda, Qazaqstannyń halyqaralyq rezerviniń kólemi 1,37 paıyzǵa, 2017 jyldyń jeltoqsanymen salystyrǵanda 0,45 paıyzǵa kemip, 88,674 mlrd dollardy qurady, dep habarlaıdy QazAqparat tilshisi.
QR Ulttyq banki málimetine sáıkes, Qazaqstannyń jalpy halyqaralyq qorynyń kólemi maýsym aıynda 0,51 paıyzǵa (jyldyń basynan beri 0,59 paıyz), 30,563 mlrd dollarǵa deıin, onyń ishinde taza halyqaralyq qor kólemi 0,51 paıyzǵa (-0,55 paıyz), 30,065 mlrd dollarǵa deıin kemidi.
QR Ulttyq banki aktıvteriniń kólemi 1,81 paıyzǵa (-0,38 paıyz) azaıyp, 58,111 mlrd dollardy qurady. Erkin konvertteletin valıýtadaǵy aktıvter kólemi 17,629 mlrd dollardy qurap, ótken aıda 1,53 paıyzǵa (ótken jyldyń jeltoqsanynda 3,39 paıyzǵa tómendegen bolatyn) artyp otyr. Altyn aktıvterdiń kólemi 3,16 paıyzǵa (+3,49 paıyz) 12,935 mlrd dollarǵa deıin azaıdy.
