Qazaqstannyń halyqaralyq rezervi 35 mlrd dollardy qurady - UB

ASTANA. QazAqparat – Ótken jyldyń sońynda Ulttyq banktiń jalpy halyqaralyq rezervi 3,1%-ǵa ulǵaıyp, 35,1 mlrd AQSh dollaryn qurady. Bul týraly QazAqparat UB silteme jasap habarlaıdy.

Rezervterdiń ósýine aktıvterdiń valıýtalyq bóliginiń ulǵaıýy yqpal etti. Altyn baǵasynyń bir ýntsııa úshin 1812 AQSh dollaryna deıin 3,0%-ǵa kóterilýine qaramastan altyn-valıýta aktıvterin ártaraptandyrý maqsatynda altynnyń satylýyna baılanysty altyn portfeliniń qysqarýy baıqaldy.

Jeltoqsannyń sońynda Ulttyq qordyń shetel valıýtasyndaǵy aktıvterin (55,7 mlrd AQSh dollary) qosa alǵanda, eldiń jalpy halyqaralyq rezervteri 90,8 mlrd AQSh dollaryn quraǵan.