Qazaqstannyń halyqaralyq qory 88,6 mlrd dollarǵa deıin ósti
ASTANA. QazAqparat - Aldyn ala málimet boıynsha, Qazaqstannyń halyqaralyq qorynyń kólemi 2018 jyldyń jeltoqsan aıynda 88,628 mlrd AQSh dollaryn quraǵan. Bul kórsetkish qarasha aıymen salystyrǵanda 0,97 paıyzǵa ósip, al 2017 jyldyń jeltoqsanymen salystyrǵanda 0,79 paıyzǵa azaıdy, dep habarlaıdy QazAqparat tilshisi.
QR Ulttyq bankiniń bergen málimetine qaraǵanda, Qazaqstannyń jalpy halyqaralyq rezerviniń kólemi jeltoqsan aıynda 2,53 paıyz ósip (ótken jyldyń basynan beri 0,28 paıyz azaıǵan), 30,909 mlrd dollardy quraǵan, sonyń ishinde taza halyqaralyq rezerv 2,56 paıyzǵa ósip (-0,21 paıyz), 30,42 mlrd dollar bolǵan.
QR Ulttyq qory aktıvteriniń kólemi 0,16 paıyzǵa (-1,05 paıyz) ósip, 57,717 mlrd dollardy qurady. Erkin konvertatsııalanatyn valıýtadaǵy aktıvterdiń kólemi 16,518 mlrd dollardy qurady, bul kórsetkish ótken aıda 0,45 paıyzǵa (al ótken jyldyń jeltoqsanynan beri 10,71 paıyz azaıǵan) ósken. Altyn valıýtalardyń kólemi 6,17 paıyzǵa (+15,15 paıyz) ósip, 14,391 mlrd dollardy qurady.
