Qazaqstannyń halyqaralyq kóliktik júıege ıntegratsııalanýy úshin 5S qaǵıdatyn iske asyrý qajet - Á.Isekeshov

«Biz 5S qaǵıdatyn iske asyrýǵa tyrysyp jatyrmyz. Bul Prezıdent ataǵan basty jobalardyń biri - eýrazııalyq transqurylyqtyq tranzıttik dáliz qurýdy iske asyrý úshin servıs, jyldamdyq, qun, turaqtylyq jáne saqtalýy bolyp tabylady. 5S qaǵıdatyn qamtamasyz etpeı, bul jobany iske asyrý kúrdeli. Sondyqtan, biz bul jobalarda aqparattyq tehnologııalardy paıdalaný, aqparattyq júıelerdi ıntegratsııalaý, barlyq kóliktik salalarda qujattardy elektrondyq resimdeýge kóshý, onyń ishinde mýltı modaldy qujat qurý boıynsha besendi jumys júrgizip jatyrmyz», - dedi «Eýrazııanyń kóliktik dálizderi: yntymaqtastyqtyń jańa joldary» atty ekinshi halyqaralyq konferentsııasynda sóılegen sózinde.
Onyń aıtýynsha, Qazaqstannyń halyqaralyq kólik júıesine ıntegratsııalanýyna tıimdi tranzıttik dálizdi qurýdyń kelesi qadamy ǵarysh salasyndaǵy jetistikterdi qoldana otyryp, zııatkerlik kólik júıesin engizý bolady.
«Bizde búginde eki baılanys serigi, eki jerdi qashyqtan zondtaý serigi - tórt serik toby quryldy. Kólik logıstıkasyn qamtamasyz etý úshin ǵarysh tehnologııasyn ıntegratsııalaımyz. Áýe Jibek joly, halyqaralyq avıatsııalyq habty, Jibek joly mańynda týrızm baǵdarlamasyn, halyqaralyq qarjy ortalyqtaryn iske qosý sııaqty birqatar jobalar qarjy yntymaqtastyǵyn qamtamasyz etýge múmkindik beredi, olar Qazaqstanǵa ǵana emes, Ortalyq Azııa óńirlerine de úlken úles qosady. RF, QHR, Iran jáne t.b. sııaqty eldermen saýda yntymaqtastyǵyn keńeıtýge yqpal etedi», - dedi mınıstr.
Eske sala keteıik, keshe Astanada QR Prezıdenti janyndaǵy Qazaqstandyq strategııalyq zertteýler ınstıtýtynyń uıymdastyrýymen «Eýrazııanyń kóliktik dálizderi: yntymaqtastyqtyń jańa joldary» atty ekinshi halyqaralyq konferentsııa bolyp ótti. Sharaǵa Qazaqstan, Reseı, Qytaı, Iran, Mońǵolııa, Grýzııa, Ázerbaıjan jáne Qyrǵyzstannyń taldaý uıymdarynyń sarapshylary qatysty.