Qazaqstannyń halyqaralyq bastamalary Úndistannyń qoldaýyna ıe boldy
BEIJІŃ-DELI. QazAqparat -Úndistandaǵy musylman stýdentteri uıymynyń ulttyq delegattary konferentsııasy aıasynda Úndistan Respýblıkasyndaǵy Qazaqstan Respýblıkasynyń elshiligimen arnaıy sessııa uıymdastyryldy, dep habarlaıdy «QazAqparat» HAA Qytaıdaǵy menshikti tilshisi.
«Kazakhstan: Home of Peace» (Qazaqstan: álem úıi) dep atalatyn sessııa jumysynda Úndistandaǵy Qazaqstan elshiliginiń ókilderi, sonymen qatar júzden astam úndistandyq Musylman stýdentteri uıymynyń músheleri, oqytýshylar, sarapshylar, ǵylymı orta ókilderi men stýdentter qatysty. 
Sessııa qatysýshylary kórsetilgen taqyryptar boıynsha pikirtalastarǵa belsene qatysyp, Úndistannyń qoǵamdyq jáne sarapshylar ortasy Qazaqstannyń halyqaralyq bastamalaryn qoldaıtyndyǵyn bildirdi.
Aıta keteıik, Úndistannyń musylman stýdentteri uıymy eldegi bir mıllıonnan astam adamnyń basyn biriktirgen eń iri ári yqpaldy jastar berlestikteriniń biri. Úndistannyń 22 shtatynda musylman stýdentteri uıymynyń 560 ókildigi jumys isteıdi. 
