Qazaqstannyń «Halyq densaýlyǵy jáne densaýlyq saqtaý júıesi týraly» kodeksine donorlyq máseleler boıynsha ózgertýler engiziledi
ASTANA. QazAqparat - QR Densaýlyq saqtaý jáne áleýmettik damý mınıstrligi donorlyq máseleler boıynsha «Halyq densaýlyǵy jáne densaýlyq saqtaý júıesi týraly» QR kodeksine tolyqtyrýlar men ózgertýler engizbek.
Bul týraly búgin Ortalyq kommýnıkatsııalar qyzmetindegi brıfıngte QR Densaýlyq saqtaý jáne áleýmettik damý mınıstrligi Medıtsınalyq kómekti uıymdastyrý departamentiniń dırektory Gúlnár Qulqaeva málim etti.
«Zańnama boıynsha kóptegen jumystar júrgizilýde. Bizdiń barlyǵymyz da bul máselede, ıaǵnı donorlyq turǵyda patsıenttiń qorǵalýy úshin myǵym zańnamalyq baza bolýy qajettigin túsinemiz. Sondyqtan da biz qazirgi ýaqyta kodekske sáıkesinshe ózgertýler engizýdemiz. Ol donordyń da, retsıpıenttiń de quqyqtyq qorǵalýyna kepildik beredi»,- dedi ol.
Al «Ulttyq kardıohırýrgııalyq ǵylymı ortalyǵy» AQ basqarmasynyń tóraǵasy ıÝrıı Pıanyń atap ótýinshe, Qazaqstanda donorlyqqa turǵyndar túsinistikpen qaraýy úshin ýaqyt qajet.
«Keıbir klınıkalarda mamandardyń ózderi de áleýetti donorlardy anyqtaýmen aınalysqylary kelmeıdi. Óıtkeni, bul olar úshin artyq problema. Menińshe, mundaı sheshim qabyldanýy úshin qalaı bolǵanda da óz ýaqyty jetýi kerek», - dedi ol.
