Qazaqstannyń Halyq ártisi Júsipbek Elebekov jaıynda kitap jaryqqa shyqty

ASTANA. 13 qarasha. QazAqparat - QR Mádenıet jáne aqparat mınıstrliginiń «Ádebıettiń mańyzdy túrlerin basyp shyǵarý» baǵdarlamasy boıynsha «Áıgili adamdar» serııasymen jazýshy, ónertanýshy Erlan Tóleýtaıdyń «Júsipbek Elebekov» atty kitaby jaryqqa shyqty.

Bul týraly Sh. Aımanov atyndaǵy «Qazaqfılm» AQ baspasóz qyzmetinen habarlady.

Atalmysh kitapta Qazaqstannyń Halyq ártisi, ánshi Júsipbek Elebekovtiń ónegeli ómiri men taǵylymdy óner joly týrasynda egjeı-tegjeıli baıandalady. Ǵumyrnamalyq hıkaıatta uly ánshiniń ómir súrgen dáýiri tutas qamtyla zerttelgen jáne J.Elebekovtiń zamandastary, qazaq óneri men mádenıetiniń qaıratkerleri, atap aıtqanda: Qalıbek Qýanyshbaev, Ahmet Jubanov, Sháken Aımanov, Ábiken Hasenov, Qurmanbek Jandarbekov, Ramazan Elebaev, Orynbek Bekov, Toqbaı Jumaǵulov jáne t.b. óner tarlandary jaıynda da qundy derekter molynan berilgen.