Qazaqstannyń halqy bir jylda 230 myńǵa ósti

ASTANA. QazAqparat - 2017 jylǵy 1 jeltoqsanǵa elimizdegi halyq sany 18 137,3 myń adamǵa jetti, 2016 jylǵy 1 jeltoqsanmen salystyrǵanda halyq sany 231,3 myń adamǵa nemese 1,3% ósti, dep habarlaıdy QazAqparat QR UEM baspasóz qyzmetine silteme jasap.

Mınıstrliktiń aqparaty boıynsha, qalalyqtar sany - 10 413,2 myń (57,4%), aýyldyqtar - 7 724,1 myń adamdy (42,6%) qurady.
AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2017 jylǵy qańtar-qarashada týylǵandar sany 359,6 myń adamdy qurady, bul 2016 jylǵy qańtar-qarashaǵa qaraǵanda 4,9% az. Týýdyń jalpy koeffıtsıenti 1 000 adamǵa 21,78 sábıdi qurady.
2017 jylǵy qańtar-qarashada respýblıka halqynyń tabıǵı ósimi 2016 jylǵy qańtar-qarashamen salystyrǵanda 16,9 myń adamǵa nemese 6,6% kemip,
239,8 myń adamdy qurady. Tabıǵı ósimniń jalpy koeffıtsıenti 1 000 adamǵa shaqqanda 14,52 adamdy qurady.