Qazaqstannyń ǵylymy «qartaıyp» barady - mınıstr
«Qazir bizdegi ǵylymnyń tutas modelin qoldanbaly formatqa kóshirip jatyrmyz. Ǵalymdarymyzdyń kúsh-jigerin qosylǵan qun ústeı alatyn salalarǵa baǵyttaımyz. Ǵylymdy suhbat aldyndaǵy sıýjette kórsetken shekteýli resýrstardan barynsha mol qarjylandyrýǵa kóshiremiz. Prezıdenttiń qoldaýynyń arqasynda ǵylymdy qarjylandyrý kólemin 3,5 ese ósirdik. Byltyr 58 mlrd teńge bolsa, bıyl 158 mlrd teńge bolyp otyr. Al kelesi jyly 244 mlrd teńge bolady. Sonda ǵalymdarymyzdyń zertteýleri men jobalaryn byltyrǵydan úsh ese kóp qoldaımyz», - dedi ol.
Mınıstr ǵylymdy damytý úsh basym baǵyt boıynsha iske asatynyn aıtady.
«Birinshisi – basym baǵyttardy óte anyq, naqty belgileý. Bizdiń ǵylym, ǵylymı ınstıtýttar kúsh-jigerin qaıda, qandaı naqty tehnologııalyq ýchaskelerge jumsaýy kerek? Bizdegi óndiristerdiń, kompanııalardyń qosylǵan qunyn, ǵylymı mazmunyn qalaı kóterý kerek?
Ekinshi úlken baǵyt – bıznes ǵylymdy qoldaýǵa múddeli bolatyndaı salyqtyq, ınvestıtsııalyq jeńildikter men jaǵdaılar jasaý qajet. Munsyz múmkin emes. «Suranys usynys týdyrady» degen qanatty sóz bar. Suranys bolmasa, usynys ta bolmaıdy», - dedi Saıasat Nurbek.
Sondaı-aq, ol irgeli ǵylymdardy akademııalyq jobalar men zertteý ınstıtýttarynyń sheńberimen shektemeı, ýnıversıtet deńgeıinde de damytýǵa kúsh jumsalatynyn málim etti.
«Ǵylym únemi jas mamandarmen, jańa mamandarmen tolyǵyp otyrý kerek. Qazir bizge ýnıversıtetterdi zertteý baǵytynda qaıta formattaý kerek. Ókinishke qaraı, ǵalymdarymyzdyń ortasha jasy – 59. Ulttyq akademııanyń akademıkteriniń ortasha jasy – 69. Ǵylym «qartaıyp» barady. Bul – óte nashar belgi. Sondyqtan, úshinshi basym baǵyt – ǵylymı mamandardy daıarlaý, ýnıversıtetterdi zertteýshilik baǵytta qaıta formattaý jáne únemi toqtaýsyz qosylyp jatatyn jańa býynnyń, jańa aqyl ıeleri men ınnovatorlardyń arnasyn qalyptastyrý», - dedi mınıstr.
