Qazaqstannyń ǵylym salasynyń qaıratkerleri tól merekelerine oraı Respýblıkalyq forýmda bas qosady
ASTANA. 11 sáýir. QazAqparat - 12 sáýir - Ǵylym qyzmetkerleri kúnine oraı Almatyda «Qazaqstan-2050 Strategııasy: bilim-ǵylym-ınnovatsııa» atty Respýblıkalyq forým ótedi.
Forým sheńberinde qaladaǵy ǵylymı uıymdar men JOO-larda «ESI-2013 «Bilim-ǵylym-ınnovatsııa» tehnologııa men tehnıkada, ǵylymdaǵy jetistikteri» atty respýblıkalyq kórme, bilim jáne ǵylym salasyndaǵy bos oryndar jármeńkesi, taqyryptyq dóńgelek ústel otyrystary; «Sátbaev oqýlary-2013» halyqaralyq konferentsııasy, ınnovatsııalyq jobalardyń tusaýkeseri jáne t.b. is-sharalar ótetin bolady. Sondaı-aq 11-12 sáýirge josparlanǵan is-sharalar barysynda Quramynda kómirtegi bar nanoqurylymdyq ǵylymı materıaldardy qajet etetin óndiristiń ashylýy josparlanýda (Jańatalap aýyly).
Forýmǵa QR Prezıdenti Ákimshiliginiń, Úkimettiń jáne mınıstrlikterdiń ókilderi, QR Parlamentiniń depýtattary, sonymen qatar ulttyq holdıngterdiń, ǵylymı uıymdar men joǵary oqý oryndarynyń ókilderi, doktoranttar men belgili ǵalymdar qatysady.
Іs-sharalardy uıymdastyrýshy - QR Bilim jáne ǵylym mınıstrligi.
