Qazaqstannyń ǵylym salasynda plagıatpen kúres jónindegi standarttary ázirlenedi - BǴM
ASTANA. 22 tamyz. QazAqparat - Qazirgi kezde Bilim jáne ǵylym mınıstrligi ǵylymı-zertteý qyzmetindegi etıkany retteý standarttaryn ázirlep jatyr, dep málimdedi vedomstvonyń vıtse-mınıstri Murat Orynhanovtyń QR BǴM keńeıtilgen alqa jıynynda sóılegen sózine silteme jasap primeminister.kz.
«Biz granttyq jobalardy oryndaý kezinde qoǵamda ǵylymǵa degen nebir jaýapsyz adamdarmen betpe-bet kelemiz, avtorlardyń shyǵarmalaryn urlaý oqıǵasy jıi kezdesedi. Mundaı keleńsizdiktermen kúresý úshin, zertteý qyzmetin etıkalyq turǵydan retteý standarttaryn ázirlep jatyrmyz», - deıdi M.Orynhanov.
Vıtse-mınıstr «Bul standarttar ǵylymı zertteýlerdi iske asyrý, josparlaý jáne baǵalaýdyń barlyq kezeńderinde paıdalanylatynyn, standarttardy buzatyn barlyq áreketter toqtatylatynyn» tilge tıek etti.
