Qazaqstannyń ǵylym salasyna jas kadrlar qajet – Saıasat Nurbek
Mınıstrdiń aıtýynsha, qazirgi tańda elimizde ǵylym, bilim salasynyń kadrlaryn daıarlaý óte ózekti másele bolyp tur.
«Elimizdiń ǵylym salasynda qazir ókinishke oraı kadrlardyń tapshylyǵy bar. Qazirgi tańda ǵylymı qyzmetkerlerdiń orta jasy - 59 bolsa, Ulttyq akademııadaǵy akademıkterdiń orta jasy – 69. Bul qaýipti jaǵdaı. Sondyqtan kadrlardy daıarlaýdy biz mektepten bastaýymyz kerek. ıAǵnı, mektep deńgeıinde bolsyn, JOO deńgeıinde bolsyn ǵylymı zertteýlerdi biriktirip, kadrlardy daıarlaý, jańa turpatty ǵalymdardy naryqqa shyǵarýǵa úlken basymdyq berip otyrmyz», - dedi Saıasat Nurbek.
Sondaı-aq onyń aıtýynsha qazirgi ýaqytta joǵary bilim salasyn tsıfrlandyrý óte ózekti máselege aınalǵan.
«Pandemııa kezinde kóp elder tsıfrlandyrýǵa daıyn emes ekenderin bildi. Bul bizge de úlken abaq boldy. Sol sebepti qazir Mınıstrlik tsıfrlandyrý salasyna kóp kóńil bólip otyr. Sebebi, bilim salasynda álem boıynsha qazir úlken demografııalyq qysym baıqalady. Mysaly, Úndistannyń ózinde jasy 23-ten tómen jastardyń sany 600 mln-nan asyp ketti. Bul úlken naryq. Ókinishke oraı, elimizdiń akademııalyq ınfraqurylymy mundaı naryqqa daıyn emes. Sondyqtan ǵylym salasyn tsıfrlandyrý, gıbrıdtik formattarǵa kóshken durys», - dedi Ǵylym jáne joǵary bilim mınıstri.
Saıasat Nurbek Digital Almaty halyqaralyq tsıfrlyq forýmy aıasynda mańyzdy kelisim sharttar jasalyp, jańa seriktester tabylyp jatqanyn málimdedi.
«Biz Np, Master card, Huawei, Binance, Microsoft sekildi tanymal, myqty kompanııalarmen kelisim sharttar jasastyq. Coursera kompanııasymen jasasqan kelisim shart aıasynda bıyldan bastap bizdiń stýdentterge, oqýshylar Coursera-nyń kýrstarynan ótetin bolady. Sonymen qatar, Coursera-nyń elimizde oqytylmaǵan eń ózekti 654 kýrsy qazaq tiline aýdarylyp, bıyl búkil ýnrversıtetterge beriletin bolady. Jalpy, búgingi forýmǵa on JOO ókilderi, «robototehnıka» salasyndaǵy Olımpıadalar men jarystardyń júldegerleri qatysýda», - dedi Ǵylym jáne joǵary bilim mınıstri Saıasat Nurbek.
Eske salaıyq, keshe Almatyda «Digital Almaty 2023: jańa bolmystaǵy tsıfrlyq áriptestik» atty halyqaralyq forým bastalǵan bolatyn.
