Qazaqstannyń grek-rım kúresinen jastar quramasy álem chempıonatyna daıyndalýda
ASTANA. QazAqparat - Qazaqstannyń grek-rım kúresinen jastar quramasy Brazılııaǵa kelip jetti. Munda komanda jarys aldyndaǵy jıynyn ótkizip, jańa jaǵdaıǵa beıimdeledi, dep habarlaıdy Kazakhstan Wrestling Online.
11-16 tamyz aralyǵynda Salvador-de-Baııa qalasynda jastar arasynda álem chempıonaty ótedi. Baǵdarlama boıynsha kilemge birinshi bolyp grek-rım stılindegi palýandar shyǵady.
Jas palýandar 11 tamyzda 50, 60, 74 jáne 96 keli salmaq dárejeleri boıynsha medaldar úshin baq talastyrady. 12 tamyz kúni 55, 66, 84 jáne 120 keli salmaq dárejesindegi sportshylar kúsh synasady.
Qazaqstannyń grek-rım kúresi boıynsha quramasynyń quramy: 50 keli: Amanǵalı Bekbolatov 55 keli: Ernar Fıdahmetov 60 keli: Damır Zarlyhananov 66 keli: Qaharman Qysmetov 74 keli: Temirlan Shadýqaev 84 keli: Hýseın Mýtsolgov 96 keli: Sarkıs Pshenıchnıkov 120 keli: Talǵat Jıentaev.
