Qazaqstannyń geologııalyq barlaý salasyna qosymsha 900 mlrd. teńge ınvestıtsııa tartylady - Á.Isekeshev
ASTANA. QazAqparat - Qazaqstannyń geologııalyq barlaý salasyna qosymsha 900 mlrd. teńge ınvestıtsııa tartylady. Bul týraly búgin QR Investıtsııa jáne damý mınıstri Áset Isekeshev málim etti.
«2015-2019 jyldarǵa arnalǵan geologııa salasyn damytý baǵdarlamasy aıasynda bıýdjetten 120 mlrd. teńge bólingen. Investıtsııalar esebinen taǵy 900 mlrd teńge tartylady dep oılaımyz», - dedi mınıstr Geolog kúnine oraı ótkizilgen saltanatty jıynda.
Onyń aıtýynsha, Qazaqstanda «Jer qoınaýy jáne jer qoınaýyn paıdalaný týraly» jańa zań qabyldandy. Ol zańda jer qoınaýyn paıdalanýǵa qatysty barlyq máseleler qamtylǵan.
Sonymen qatar «100 naqty qadam» reformasynyń aıasynda halyqaralyq standarttardy engizý arqyly jer qoınaýyn paıdalaný salasynyń ashyqtyǵn qamtamasyz etilmek. Bul óz kezeginde, mınıstrdiń aıtýynsha, Qazaqstannyń geologııalyq barlaý salasyna shetel ınvestıtsııalarynyń kelýine oń yqpal etedi.
