Qazaqstannyń gazy EAEO elderine rýblmen satyla ma – mınıstrdiń jaýaby

ASTANA. QazAqparat – Eýrazııalyq ekonomıkalyq odaqqa múshe elder ózara gaz satý jáne satyp alýda rýbl valıýtasymen eseptese me? Atalǵan suraqqa Energetıka mınıstri Bolat Aqsholaqov pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmeti alańynda ótken baspasóz máslıhatynda QR Energetıka mınıstri Bolat Aqsholaqovqa kelesi suraq qoıyldy: «EAEO elderiniń kópshiligi gazdy rýblmen tóleýge kóshti. Osylaısha Reseı, Belarýs, Armenııa jáne Qyrǵyzstan gaz úshin rýblmen esep aıyrysýǵa kelisimin berdi. Osyǵan qatysty QR Energetıka mınıstrliginiń ustanymy qandaı?

«EAEO elderinde gaz boıynsha ortaq naryq qurý máselesi talqylanyp jatyr. Onda gazdan bólek, munaı jáne elektr energetıkasy da bar. Degenmen, ázirge gaz naryǵy týraly kelisim qujatyna qol qoıylǵan joq. Keshe jáne birneshe kún buryn kelissózder júrdi», - dedi Bolat Aqsholaqov suraqqa jaýap bere otyryp.

Mınıstrdiń málimetinshe, kelissóz barysynda Reseı tarapynan rýblmen esep aıyrysý usynysy jasaldy.

«Bizdiń ustanymymyz atalǵan optsııa shartqa qatysýshy taraptardyń tańdaýynda bolý kerek. ıAǵnı ekijaqty kommertsııalyq shart bolýy tıis. Bizdiń oıymyzsha, gazdy satý men satyp alýda valıýtany tańdaý erkindigi berilýi kerek», - deıdi ol.