Qazaqstannyń gaz qory keleshekte 3,7-den 7 trıllıon tekshe metrge deıin ulǵaıýy múmkin - QR Munaı jáne gaz vıtse-mınıstri
ALMATY. 6 qazan. QazAqparat /Erlik Erjanuly/ - Qazaqstanda bıyl gaz óndirý ótken jylǵy kórsetkishten 8,2 paıyzǵa óspek. Ony Munaı jáne gaz vıtse-mınıstri Lıazzat Qıynov búgin Almatyda ótip jatqan 19-shy qazaqstandyq "Munaı jáne gaz" halyqaralyq konferentsııasynda aıtty.
"Elimizdiń gaz qory shamamen 3,7 trıllıon tekshe metr. Keleshekte ol 6-7 trıllıon tekshe metrge deıin ósýi múmkin dep boljanýda. 2010 jyly 37 mıllıard tekshe metr gaz óndirilgen edi. Bul 2009 jylǵy deńgeıden 3,9 paıyzǵa joǵary. 2011 jyly 40,5 mıllıard tekshe metr gaz óndirý josparlanýda", - dedi L. Qıynov. Onyń aıtýynsha, 2010 jyly 21 mıllıard tekshe metr taýarlyq gaz óndirildi. Ol aldyńǵy jyldan 107,6 paıyzǵa kóp. Іshki naryqta tutynýshylarǵa 9 mıllıard tekshe metr gaz jetkizildi. Bul 2009 jyldan 4,6 paıyzǵa joǵary. Eksport kólemi 2010 jyly 9,1 mıllıard tekshe metrdi qurap, aldyńǵy jylmen salystyrǵanda 130 paıyzǵa ósti.
