Qazaqstannyń gaz áleýetin qoldaný múmkinshiligi joǵary - Deskaltsı
Qazaqstanǵa qatysty aıtar bolsa, respýblıka qazirdiń ózinde klımattyń ózgerýi problemalaryn sheshýde. Shyǵaryndylarǵa tıimdi baqylaý engizip, olardyń kólemin qysqartýdy yntalandyrýda jáne parnıkti gazdarǵa arnalǵan kvotalardy satýda. Memleket sońǵy 10 jyldyń ishinde kómirqyshqyl gazdyń qarqyndy shyǵarylýyn shamamen 20 paıyzǵa tómendetý arqyly klımattyń ózgerýimen kúreste tabysty ilgerilep keledi. Buǵan qosa elektr energetıka salasyndaǵy gazdyń úlesin arttyrý esebinen kórsetkishti jaqsarta túsýge de múmkinshiligi zor. Búginde atalǵan saladaǵy kómirdiń úlesi 64 protsentti qurap otyr», - dedi Deskaltsı.
Osy rette ol bolashaqta Qazaqstannyń shamamen 2 trıllıon tekshe metrdi quraıtyn gaz qory áleýetin qoldanýǵa múmkinshiligi bar ekendigin atap ótti.
«Ekologııalyq turǵydan alyp qaraǵanda, gaz elektr stansalary barynsha tıimdi jáne kómir elektr stansalarymen salystyrǵanda kómir qyshqyl gazy shyǵaryndylarynyń shamamen jartysyn óndiredi. Munan bólek, Qazaqstannyń jel jáne kún energııasyn óndirýde de áleýeti bar. Biz mundaı jobalardy aýqymdy túrde júzege asyrý energııa tutynýdyń qazirdi qurylymyna paıda ákeledi jáne elektr energııasyn óndirý júıesindegi kómirtek izin birtindep tómendetýge múmkindik beredi dep oılaımyz», - dedi «Enı» kompanııasynyń bas atqarýshy dırektory.
Aıta keteıik, Sheteldik ınvestorlary keńesi Qazaqstan Prezıdentiniń tóraǵalyǵymen ótetin keńesshi-konsýltatıvti organ. Keńes 1998 jyly eldegi ınvestıtsııalyq qyzmet pen ınvestıtsııalyq ahýaldy jaqsartýmen tikeleı baılanysty ózekti máselelerdi tıimdi sheshý úshin memleket pen sheteldik ınvestorlar arasyndaǵy tikeleı únqatysýdy qamtamasyz etý maqsatynda qurylǵan. Eldiń ınvestıtsııalyq saıasaty men ekonomıkalyq damýynyń basty aspektileri boıynsha Qazaqstan Prezıdenti men Úkimetiniń qaraýyna usynymdar men usynystardy ázirleý Keńestiń basty mindeti sanalady.
