Qazaqstannyń ǵaryshtyq júıeleri aýyl sharýashylyǵy salasyn álemdik deıgeıge deıin jetkizetin bolady - Ońǵarbek Álipbekı
Ǵalamdyq, navıgatsııalyq spýtnıktik júıeler aýyl sharýashylyǵy salasyn álemdik deńgeıge deıin jetkizetin bolady. Bul týraly búgin Almatyda «Bilimdegi jáne óndiristegi, ǵylymdaǵy tıimdilik ıntegratsııasy» atty taqyrypta ótip jatqan respýblıkalyq semınar barysynda "Qazaqstan Ǵarysh Sapary" ulttyq kompanııasy" AQ-nyń Jerústi keshenderi bas ortalyǵynyń atqarýshy dırektory Ońǵarbek Álipbekı aıtty.
Onyń aıtýynsha, aýyl sharýashylyǵy máseleleri kóp salalardyń biri. "Biraq, aýyl sharýashylyǵy - basqa ǵylymı salalarǵa qaraǵanda óziniń ıntellektýaldyq áleýeti óte joǵary deńgeıde saqtap qalǵan sala. Búginde aýyl sharýashylyǵyna jumsalyp jatqan qarajattar jetkiliksiz bolǵanymen, onyń damýyna jaqsy qolaıly jaǵdaılar jasalyp jatyr. Solardyń biri - búginde elimizde damyp kele jatqan ǵaryshtyq sala", - dedi ol.
