Qazaqstannyń Ǵaryshtyq zertteýler ınstıtýtyna onyń negizin salýshy akademık Ómirzaq Sultanǵazınniń esimi berildi
ASTANA. 11 aqpan. QazAqparat /Sara Qabıqyzy/ - «Ulttyq ǵaryshtyq zertteýler men tehnologııalar ortalyǵy» AQ Ǵaryshtyq zertteýler ınstıtýtyna onyń negizin salǵan adam,
akademık, Qazaqstan Respýblıkasynyń ǵarysh salasyn damytý men nyǵaıtýǵa zor úles qosqan ǵalym Ómirzaq Sultanǵazınniń esimi berildi, dep habarlaıdy Ulttyq ǵaryshtyq zertteýler men tehnologııalar ortalyǵy» AQ baspasóz qyzmeti.
Akademık Ómirzaq Sultanǵazın Ǵaryshtyq zertteýler ınstıtýtyn 1991 jyldan 2005 jyldar aralyǵynda basqardy jáne ǵaryshtyq monıtorıngtiń teorııalyq negizin qurý boıynsha ǵylymı baǵyttyń negizin salýshy boldy.
Onyń basshylyǵymen 6 doktor men 30-dan astam ǵylym kandıdattary daıyndaldy. Ol ózi beldi halyqaralyq jáne otandyq basylymdarda 350-den astam ǵylymı eńbekterin jarııalaǵan.
