Qazaqstannyń ǵalymdary jaýyngerlik robotty qurastyrýda

ASTANA. QazAqparat - Qazaqstannyń áskerı ǵalymdary jaýyngerlik robotty qurastyrý jumysyn bastady. Bul týraly búgin Májilistegi Úkimet saǵatynda QR Qorǵanys mınıstri Sáken Jasuzaqov málim etti, dep  habarlaıdy QazAqparat.

Onyń sózine qaraǵanda, áskerı ǵylymdy damytý úshin  QR Tuńǵysh Prezıdenti - Elbasy atyndaǵy ulttyq qorǵanys ýnıversıtetinde eki ǵylymı-zertteý ınstıtýtyn qamtıtyn áskerı-ǵylymı ortalyq quryldy. Instıtýttar jaýyngerlik óner men perspektıvaly qarý túrlerin zertteýmen aınalysady. Atap aıtqanda, ortalyqtyń birinshi jobasy aıasynda ushqyshsyz áýe apparatynyń alǵashqy úlgisi jasaldy.

«Men onymen tanysyp shyqtym. Osyǵan baılanysty jaýyngerlik synaqtardy júrgizý týraly tapsyrma berdim. ıAǵnı olar tájirıbe júzinde naqty apparattardy shyǵara alady. Qazirgi kezde ǵalymdar jaýynger robot jobasy boıynsha jumys istep jatyr. Meniń oıymsha, qarjylyndyrýdy eskere otyryp, osy eki baǵyttaǵy jumystardy olar sátti aıaqtaıtyn bolady»,-dep túıindedi sózin Jasuzaqov.