Qazaqstannyń ǵalymdary sheteldik basylymdarǵa kóptep shyǵýy tıis - EUÝ-dyń rektory
ASTANA. Mamyrdyń 27-si. QazAqparat /Arman Asqarov/ - Búgingi tańda qazaqstandyq ǵalymdar sheteldik basylymdarǵa kóptep shyqpaıdy. Olardyń ǵylymı jumystaryna silteme jasaý ındeksi tómen bolyp tur. Bul óz kezeginde otandyq ǵylymnyń damýyn tejep otyr.
Búgin Lev Gýmılev atyndaǵy Eýrazııa ulttyq ýnıversıtetinde «Ǵylym týraly» zańnyń jobasyn talqylaýǵa arnalǵan «dóńgelek ústelde» osy joǵary oqý ornynyń rektory Baqytjan Ábdiraıym osy máseleni atap ótti, dep habarlaıdy QazAqparat.
Ýnıversıtet basshysy atap kórsetkendeı, ótken jyly sheteldik basylymdarda Qazaqstannyń 300 ǵylymı maqalasy jarııalandy. «Bul - óte tómen kórsetkish. Bir Garvard ǵana jylyna 8 myń maqala jaryqqa shyǵarady. AQSh-tyń ǵylym salasyndaǵy ǵylymı eńbekteri 200 myńnan asyp jyǵylady», - deıdi B.Ábdiraıym.
Aıta keteıik, búgingi tańda Eýrazııa ulttyq ýnıversıteti «Ǵylym týraly» zańnyń jobasyn talqylaý jumysyna belsene qatysýda.
