Qazaqstannyń fýtzal quramasy ıspandyqtardan jeńilip qaldy
BAKÝ. 26 aqpan. QazAqparat /Arnur Muhametkárim/ - Eýropa chempıonatynyń fýtzaldan 1-top komandalary arasyndaǵy biliktilik raýndynyń aıasynda qazaqstandyq qurama osy ataqtyń qazirgi ıegeri - Ispanııa komandasynan jeńilip qaldy.
Otandyq sportshylar fýtzaldan Qazaqstan quramasy tarıhyndaǵy óziniń 50-mereıtoılyq oıynyna shyǵyp, Eýropanyń bes márte chempıonynan 0:5 esebimen jeńilip qaldy.
Sóıtip, qazaqstandyqtar jarystardyń kelesi satysyna ótý múmkindiginen aıryldy. 27 aqpanda Ámirjan Muqanovtyń tálimgerleri qorytyndy oıyndy keshe Ázirbaıjan quramasynan 2:4 esebimen jeńilip qalǵan frantsýzdarmen oınaıdy.
Sonymen qatar, jeksenbi kúni atalmysh satynyń basty matchy ótkiziledi, bul joly Ázirbaıjan quramasy Ispanııamen kezdesedi. Ázirbaıjan quramasynyń bas bapkeri Sılva Joze Alezıo habarlaǵandaı, Ázirbaıjan toptaǵy birinshi orynǵa - Eýro-2012-iniń fınaldyq satysyna enýge umtylady.
