Qazaqstannyń fýtzal quramasy Horvatııany jeńdi
ASTANA. QazAqparat - Búgin Almatydaǵy Balýan Sholaq atyndaǵy sport saraıynda Qazaqstan jáne Horvatııa fýtzal quramalary joldastyq kezdesý ótkizdi, dep habarlaıdy QazAqparat Sports.kz-ke silteme jasap.
Oıynda Qazaqstan quramasy 2:1 esebinde jeńiske jetti. Komandanyń alǵashqy golyn Shyńǵys Esenamanov soqsa, jeńis golynyń avtory Birjan Orazov boldy.
Erteń Almatydaǵy «Baǵanashyl» sport kesheninde osy eki komanda taǵy bir ret oınaıdy. Osy joldastyq kezdesýler Qazaqstan quramasynyń 2020 jylǵy Álem chempıonatynyń irikteý týrnırine daıyndyq aıasynda ótkizilip jatyr.
Eske sala keteıik, bizdiń jigitter 2018 jylǵy Eýropa chempıonatynyń jartylaı fınalynda Reseıge, úshinshi oryn úshin ótken oıynda Ispanııaǵa ese jiberip, tórtinshi oryndy qanaǵat tutqan bolatyn.
