Qazaqstannyń fýtbolshy qyzdary Bosnııa jáne Gertsegovınany utty
ASTANA. QazAqparat - Fýtboldan Qazaqstan áıelder quramasy 2019 jylǵy Álem chempıonatynyń irikteý týrnırinde kezekti kezdesýin syrt alańda Bosnııa jáne Gertsegovına quramasymen ótkizdi. Oıyn 2:0 esebimen fýtbolshy qyzdarymyzdyń paıdasyna aıaqtaldy, dep habarlaıdy QazAqparat.
Birinshi taımda Bosnııa jáne Gertsegovına quramasynyń oıynshysy Amıra Spahıch óz qaqpasyna gol soǵyp aldy. Ekinshi taımda qazaqstandyq Ekaterına Babshýk alystan baǵyttaǵan týra soqqymen esepti eseledi.
QR fýtbol federatsııasynan málim etkendeı, qazaqstandyq qyzdar irikteý kezeńindegi kelesi oıynyn 30 tamyz kúni syrt alańda Reseı quramasymen ótkizedi.
Bosnııa jáne Gertsegovına - Qazaqstan - 0:2 (0:1)
Goldar: Spahıch (avtogol) 33, Babshýk 74.
Eskertý: Taslıdja 79 - Qulmaǵambetova 18, Jumabaıqyzy 55
Bosnııa jáne Gertsegovına: Hasanbegovıch E., Shakotıch, Spahıch Am. (Radelıch 51), Hasanbegovıch M., Medıch, Hadjıch A., Nıkolıch, Spahıch Al., Kýlısh L., Kamerıch (Kapetanovıch 46), Krsho (Taslıdja 72)
Qazaqstan: Jeleznıak, Qojahmet, Gaıstenova, Qyrǵyzbaeva (k), Nurysheva, Qulmaǵambetova, Káribaeva (Vlasova 89), Hodjasheva, Bortnıkova, Babshýk, Jumabaıqyzy (Turlybekova 80).
Bas tóreshi: Reelıka Týrı (Estonııa)
12 maýsym 2018 jyl. Zenıtsa qalasy.
