Qazaqstannyń fýtboldan 19 jasqa deıingi jastar quramasy ırandyqtardan jeńilis tapty
ALMATY. 7 qańtar. QazAqparat - Sankt-Peterbor qalasynda 5 qańtardan bastap fýtboldan 19 jasqa deıingi jastar quramalary arasynda «Valentın Grantkın memorıaly» 15-shi halyqaralyq týrnıri ótýde.
16 komanda qatysyp jatqan bul jarysta aǵa bapker Mıhaıl Solovev bastaǵan qazaqstandyqtar «V» tobynda baq synaýda. Iran quramasymen bolǵan alǵashqy oıynnyń 5-mınýtynda qonaqtar penaltıden esep ashty. Al oıynnyń ekinshi jartysynda shabýylshy Álisher Súleı esepti teńestirdi. 81-mınýtta Mıhaıl Golýbnıchıı qorǵaǵan Qazaqstan qaqpasynan ırandyqtar ekinshi ret sańylaý taýyp, jeńisti óz paıdasyna sheship ketti, esep - 1:2.
Kelesi oıyn erteń, Fınlıandııa quramasymen ótedi.
