Qazaqstannyń fýtbol quramasy Tájikstan komandasymen kezdesedi
ASTANA. QazAqparat - Qazaqstannyń fýtbol quramasy Tájikstan komandasymen joldastyq kezdesý ótkizedi, dep habarlaıdy QFF baspasóz qyzmeti.
Eýro-2016 chempıonatyna daıyndyq retinde ótkizilgeli otyrǵan match 12 tamyz kúni Almatynyń Ortalyq stadıonynda bolady. Bastalýy - Astana ýaqyty boıynsha saǵat 19:30-da.
Qazaqstan fýtbolshylary osy ýaqytqa deıin Tájikstan quramasymen úsh ret oınaǵandyǵyn aıta ketken jón. Eki kezdesý qazaqstandyqtardyń paıdasyna sheshilse, bir matchta teń oıyn tirkeldi.
Budan buryn habarlaǵanymyzdaı, Qazaqstan quramasy 5-13 tamyz kúnderi Talǵarda oqý-jattyǵý jıyndaryn ótkizbek. Komanda Eýro-2016 chempıonatynyń irikteý synyna daıyndalýy tıis. Quramanyń bas bapkeri ıÝrıı Krasnojannyń keńeıtilgen tiziminde 41 fýtbolshy bar.
