Qazaqstannyń fýtbol klýbtary jańa legıonerlermen tolyqty
ASTANA. QazAqparat - Fýtboldan Qazaqstan premer-lıgasynyń birinshi týry qarsańynda birneshe kelisimshart jasalyp, keıbir klýbtarymyz quramdaryn jańa oıynshylarmen tolyqtyrdy.
Premer-lıgadaǵy klýbtarymyzdyń bári de Kásipqoı fýtbol lıgasyna bıylǵy maýsymda óner kórsetetin oıynshylaryn tirkep qoısa da, keıbireýleri birinshi týr qarsańynda ózgerister engizdi. ıAǵnı jańa oıynshylar qabyldandy. Esterińizge sala keteıik, qysqy transfer kezeńi 3 sáýir kúni ǵana jabylady. ıAǵnı oǵan deıin ózgerister áli bolady.
«Ordabasy» klýbynyń quramy Argentına qorǵaýshysy Pablo Esekel Fontanelomen tolyqty. Ol sońǵy jyldary Ýkraınanyń «Chernomorets» klýby sapynda oınady. Eýropa lıgasynyń toptyq kezeńinde dop teýip, tájirıbe jınaǵan. 2014 jyly Ýkraınadaǵy saıası jaǵdaıǵa baılanysty ketip qalyp, Norvegııada («Stabek») jáne Reseıde («Ýral») oınaǵan. Bir kóńil aýdararlyǵy, «Ordabasy» klýbynda qazir - toǵyz legıoner. Ońtústik Qazaqstan klýby QR Kásipqoı fýtbol lıgasynyń sońǵy sheshimin qoldanyp, qosymsha legıoner tirkep otyr. Qosymsha legıoneri úshin syıaqy tóleýi de múmkin...
«Qaırat» fýtbol klýby da quramyn tolyqtyrdy. Ol - Akosh Elek. Jartylaı qorǵaýshy. Vengrııa quramasynyń oıynshysy. Byltyr Frantsııada ótken Eýropa chempıonatyna qatysyp, Portýgalııa jáne Belgııa quramalarymen ótken kezdesýlerde óz eliniń namysyn qorǵaǵan. Madııar eliniń 2011 jylǵy chempıony. 1988 jyly 21 shilde kúni týǵan. Boıy - 193 sm, salmaǵy - 91 keli
Sondaı-aq Kıevtiń áıgili «Dınamosynyń» balalar mektebinde tárbıelengen Aleksandr Ermachenko «Aqtóbege» aýysty. Ýkraınanyń jasóspirimder arasyndaǵy quramasynda oınap, talantty fýtbolshylarynyń biri retinde kózge túsken. 2011 jyly Granatkın týrnıriniń eń úzdik jartylaı qorǵaýshysy atanǵan. 1993 jyly 29 qańtarda týǵan. Boıy - 170 sm, salmaǵy - 62 keli.
«Ertis» qataryna Grýzııa qorǵaýshysy Lasha Dvalı qosyldy. Biraq ol Polshanyń «Shlensk» klýbynan jalǵa alynǵan. Bul qorǵaýshy «Skonto» (Latvııa), «Redıng» (Anglııa), «Kasımpasha» (Túrkııa) jáne «Dýısbýrg» (Germanııa) klýbtary sapynda oınaǵan. 1995 jyly 14 mamyrda týǵan. Boıy - 191 sm, salmaǵy - 80 keli.
Derekkóz: Astana fýtbol federatsııasy
