Qazaqstannyń fýtbol klýbtary eýrokýboktarda qansha tabys tapty
NUR-SULTAN. QazAqparat – Qazaqstandyq eki klýb – «Tobyl» jáne «Qyzyljar» Konferentsııa lıgasynyń úshinshi irikteý kezeńine ótip, óz bıýdjetterin aıtarlyqtaı tolyqtyryp aldy, dep habarlaıdy QazAqparat Sports.kz portalyna silteme jasap.
Bastapqyda «Tobyl» Chempıondar lıgasynyń birinshi irikteý kezeńine qatysqany úshin 285 myń dollar alǵan bolatyn. Endigide, Qostanaıdyń atalǵan klýby Konferentsııa lıgasynyń úshinshi kezeńinen shyǵyp qalsa da, kepildi túrde 560 myń dollar alady.
«Qyzyljarǵa» kelsek, Konferentsııa lıgasynyń úshinshi kezeńine qatysqany úshin petropavldyq klýb ta 560 myń dollar alady.
Al eýrokýboktarda óner kórsetýin aıaqtaǵan «Astana» men «Qaırat» Konferentsııa lıgasynyń ekinshi kezeńinde 356 myń dollardan tabys tapty.
Osylaısha, osy ýaqytta qazaqstandyq klýbtardyń eýrokýboktardaǵy tabysy 2 117 000 dollardy qurap otyr. Bul somaǵa maýsym aıaqtalǵan soń marketıngilik jáne telequqyqtardyń satylymynan túsken protsentter qosylady.
Foto: press-slýjby FK «Kyzyl-Jar»
