Qazaqstannyń fýtbol klýbtary 2013 jylǵa deıin keminde 3 myń adam sııatyn jabyq manejderin salatyn boldy
ALMATY. 31 mamyr. QazAqparat - 2013 jyldan bastap Qazaqstan fýtboly «Kúz-kóktem» júıesine ótedi.
Bul týraly keshe Astanada ótken Qazaqstan fýtbol federatsııasynyń konferentsııasynda málim boldy. Onda Qazaqstan fýtbol federatsııasynyń kezekti májilisiniń otyrysynan keıin Atqarý komıteti óziniń jańa quramdaǵy alǵashqy jıynyn ótkizdi.
QR Fýtbol federatsııanyń saıtynda jarııalanǵan málimetke qaraǵanda, jańa júıeniń birinshi maýsymy 2013 jyldyń kókteminde bastalyp, 2014 jyldyń kókteminde aıaqtalady. Bul kezde el birinshiligi úsh aınalymnan turatyn bolady. Al odan keıingi jyldardan bastap, el birinshiligi tamyz aıynda bastalady da, kelesi jyldyń kóktemine deıin jalǵasady. Bul júıe Qazaqstan birinshiligin Eýropa fýtbol arenasyndaǵy transferlik naryqpen teńestiredi. Sondaı-aq, birinshiliktegi úzilis pen klýbtardyń maýsymaralyq oqý-jattyǵý jıyndary da Eýropalyq klýbtardyń ýaqyttarymen túıisedi. Al jaz mezgilindegi uzaq úzilis ulttyq quramanyń aldaǵy oıyndaryna tyńǵylyqty daıyndyq júrgizýine múmkindik beredi. Sondyqtan 2013 jyldyń 1 qyrkúıegine deıin klýbtar kem degende 3 myń kórermen sııatyndaı jabyq manej salýǵa mindetteıtindeı sheshim shyǵaryldy. Bul manej qolaısyz aýa-raıyna qaramastan barlyq ýaqytta birinshiliktiń úzilip qalmaýy úshin qajet.
